Turqia beson se trupi i gazetarit të vrarë është hudhur në pyll jashtë Stambollit

19:07 | 18 Tetor 2018
Trina Galanxhi

Policia turke po kërkon në një zonë pyjore jashtë Stambollit, si dhe në disa shtëpi ferme përgjatë Detit të Marmarasë, trupin e gazetarit të vrarë saudit.

Hetuesit kanë theksuar se kanë mbledhur imazhe nga kamerat e sigurisë , pasi besohet se trupi i tij është hedhur në Pyllin e Beogradit, shkruajnë mediat lokale, transmeton portali arbresh.info

Ata thuhet gjithashtu po përgatiten të “gërmojnë” një pronë në provincën Yalova, ku një nga automjetet e lidhur me skuadrën e goditur Saudite u pa, sipas mediave turke.

Khashoggi, 60 vjeç, u zhduk pasi hyri në konsullatën saudite në Stamboll me 2 tetor.

Mediat turke raportojnë se kërkimet në pyll janë duke u bërë, pasi 15 sauditë që fluturan në Turqi në ditën e zhdukjes së gazetarit kanë braktisur një makinë në atë zonë.

Megjithatë, Turqia ende nuk ka ndarë asnjë informacion shtesë me SHBA-të dhe aleatët e saj, pasi besohet se ajo ka mbledhur video inxhizimet mbi vrasjen e gazetarit./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm